肥婆蘭賣茶誌

通過茶將人與人的距離拉近;通過賣好茶讓人明白中國五千年文化的精釆

無得快

遇過些客人一輪咀想試晒所有茶 我話唔好 佢堅持 我事先聲明 實驗角度 比佢一試 但客人性子急 一路試茶一路問好多問題 想一次過囉晒啲答案 試咗四、五隻茶 我話差唔多啦 佢話要繼續試多幾隻 最後試咗十隻 跟住問佢 邊隻茶佢最喜歡 佢就無晒印象 亂鬼晒 對茶的理解 一不能貪 二不能急 三不能太有目的 輕鬆開放的態度 循步漸進的精神 才能把既豐富又複雜的茶文化一一解構

April 13, 2015 · Leave a comment

快靚正

其實泡茶一啲都唔難 最重要茶要好 用壺用杯用碗點都得 用瓷器玻璃甚至紙杯都得㗎 水滾一泡茶唔得閒洗都唔怕啦 茶量不需多 平杯底便可 大熱水一冲 等茶葉沉底咪飲得囉 可以番沖一兩次 又快又好味

April 5, 2015 · Leave a comment

多定少

曾幾何時 經濟發達 錢易 要乜有乜 叫食 叫到成都係 食唔晒 無所謂 面子裝最緊要 慣手勢 乜都以量取勝 茶店也是 主張最多款適的茶 多有氣勢 上茶室 成本tea menu 好似書咁厚 同一類茶有成十幾種 目不暇給 但就係因為太多 變成選擇困難症 頭都大埋 有無想過 想多 係咪驚唔夠 係咪無安全感 有無想過 唔駛多 但要夠好夠精 … Continue reading

April 5, 2015 · Leave a comment

追茶

有兩位客人在星宴用膳時點了明茶房的得奬鳳凰桂花香及勐海金尖普洱,驚喜,隨即找上門。同事見狀告之,迎客,暢談甚歡。他們喜歡吃喝,亦懂吃喝。他們喜歡明茶房茶的香氣、乾淨、餘韻。最後客人當然滿載而歸。最值得感恩是客人到訪只因為茶。茶的魅力沒法擋!

March 30, 2015 · Leave a comment

你比錢買乜

有次迪拜客人及媽媽上來茶店光顧 媽媽很愛茶但亦愛打折 媽媽很有誠意說買了之後會再來買 日本同事禮貌地給她九折 但她仍窮追猛打 同事求救 我對她女兒說 有錢人有盡所有錢去買自己歡喜的東西 但不是所有有錢人有品味及懂自己真正要甚麼 我的茶是好東西 你識欣賞我很高興 所以我不用打折你都會買 我反而喜歡送我認為識合你的東西 說罷 女兒點點頭 後來過了一兩個星期 女兒媽媽再來再買 傳統保守的媽媽也按耐不住跟我摟埋一舊影相多開心

March 25, 2015 · Leave a comment

邊啲人先有資格飲茶?

當幼仔六七歲時 有次舉家到鑽石山遊覽剛開的南蓮園池 途經茶舍 一行五人飲茶去 點知門口有一女職員大大聲話十二歲以下的小朋友唔識欣賞茶 所以被拒入內 我問 你點介定邊個懂茶邊個不懂茶 那次經驗印象深刻 飲嘢食嘢與生俱來 唔駛人教 唔駛人批准 小朋友的敏感度比大人更高 講感受比大人嚟得真接了當   我就最鐘意細路仔 最鐘意見到阿爸阿媽阿仔阿女齊齊來泡茶飲茶 開心到飛起 思想慣性封閉的人 永遠無法明白真正泡茶飲茶的樂趣。

March 22, 2015 · Leave a comment

專家

人話我飲茶但我唔係專家 我話你駛唔駛係飯專家先食得飯 係囉 飲茶食飯係人都得都識 只不過你唔記得上天給賜你最好的能力 不過大大下你唔記得咗自己的能力 又唔相信自己 搞到下下要揾個專家先至安心 專家條脷又唔係你條脷 搞乜唧

March 15, 2015 · Leave a comment

阿媽話

  以前同阿媽由朝鬧交鬧到黑 日日都好似打仗咁 所以駁咀駁舌樣樣精 練得一身好本領 後來才知阿媽一直為人妻為人身袍甚艱難 阿媽原來好鬼搞笑 佢唔可以隻隻茶都飲 最鐘意飲菊花同白牡丹 有次一間新加坡茶店在港開店第四天 請佢去 叫咗佢鐘意的白牡丹 誰知佢話 阿女阿媽唔識飲茶但我覺得啲茶無味 從始以後每去餐廳 只要叫白牡丹或壽眉比阿媽飲便知間餐廳酒樓啲茶得唔得

March 11, 2015 · 1 Comment

茶的魔力

十多年前產品在機場一家免稅品店有售 有日本客人買了後 喜歡 尋找我們 但一直都找唔到 次次唔係由星街搬走就係星期日唔開 找咗五年 終於找到工業大廈12樓 終於見到面 日本客人原來也是茶人 在靜岡縣有自己的茶園 我們的玄米茶是他的出品

March 2, 2015 · Leave a comment

靠實力

15年前由設計師變茶師 比好友客人問點解你個品牌的茶會好過其他人的茶 我答你飲下咪知囉 好友話人地百幾年你點同人鬥 我話我無諗住鬥 剩係覺得自己啲嘢好 15年來 已經沒有人問這些 茶跟你說話 你有無聽到呀

February 25, 2015 · Leave a comment