追茶
有兩位客人在星宴用膳時點了明茶房的得奬鳳凰桂花香及勐海金尖普洱，驚喜，隨即找上門。同事見狀告之，迎客，暢談甚歡。他們喜歡吃喝，亦懂吃喝。他們喜歡明茶房茶的香氣、乾淨、餘韻。最後客人當然滿載而歸。最值得感恩是客人到訪只因為茶。茶的魅力沒法擋！
你比錢買乜
有次迪拜客人及媽媽上來茶店光顧 媽媽很愛茶但亦愛打折 媽媽很有誠意說買了之後會再來買 日本同事禮貌地給她九折 但她仍窮追猛打 同事求救 我對她女兒說 有錢人有盡所有錢去買自己歡喜的東西 但不是所有有錢人有品味及懂自己真正要甚麼 我的茶是好東西 你識欣賞我很高興 所以我不用打折你都會買 我反而喜歡送我認為識合你的東西 說罷 女兒點點頭 後來過了一兩個星期 女兒媽媽再來再買 傳統保守的媽媽也按耐不住跟我摟埋一舊影相多開心
邊啲人先有資格飲茶?
當幼仔六七歲時 有次舉家到鑽石山遊覽剛開的南蓮園池 途經茶舍 一行五人飲茶去 點知門口有一女職員大大聲話十二歲以下的小朋友唔識欣賞茶 所以被拒入內 我問 你點介定邊個懂茶邊個不懂茶 那次經驗印象深刻 飲嘢食嘢與生俱來 唔駛人教 唔駛人批准 小朋友的敏感度比大人更高 講感受比大人嚟得真接了當 我就最鐘意細路仔 最鐘意見到阿爸阿媽阿仔阿女齊齊來泡茶飲茶 開心到飛起 思想慣性封閉的人 永遠無法明白真正泡茶飲茶的樂趣。
專家
人話我飲茶但我唔係專家 我話你駛唔駛係飯專家先食得飯 係囉 飲茶食飯係人都得都識 只不過你唔記得上天給賜你最好的能力 不過大大下你唔記得咗自己的能力 又唔相信自己 搞到下下要揾個專家先至安心 專家條脷又唔係你條脷 搞乜唧
阿媽話
以前同阿媽由朝鬧交鬧到黑 日日都好似打仗咁 所以駁咀駁舌樣樣精 練得一身好本領 後來才知阿媽一直為人妻為人身袍甚艱難 阿媽原來好鬼搞笑 佢唔可以隻隻茶都飲 最鐘意飲菊花同白牡丹 有次一間新加坡茶店在港開店第四天 請佢去 叫咗佢鐘意的白牡丹 誰知佢話 阿女阿媽唔識飲茶但我覺得啲茶無味 從始以後每去餐廳 只要叫白牡丹或壽眉比阿媽飲便知間餐廳酒樓啲茶得唔得
靠實力
15年前由設計師變茶師 比好友客人問點解你個品牌的茶會好過其他人的茶 我答你飲下咪知囉 好友話人地百幾年你點同人鬥 我話我無諗住鬥 剩係覺得自己啲嘢好 15年來 已經沒有人問這些 茶跟你說話 你有無聽到呀
飲茶人的態度
開放 好奇 留心每一呷的細緻 除去一切轎紐造作 樸實 明白自己的需要 做番個正常人 從來不說自己是茶專家，反而說自己係師奶 正到痺
肥婆蘭賣茶誌 