肥婆蘭賣茶誌

通過茶將人與人的距離拉近;通過賣好茶讓人明白中國五千年文化的精釆

Tag Archives: mingcha

圓的精彩

出外用饍 除了喜歡與家人朋友傾談享受食物外 我最喜歡觀察視缐範左鄰右里的人和事 最常見到就是小朋友年輕人手不離機 爸爸媽媽亦視作等閒事 慣性佢地有佢地 我地有我地 一家人同一桌 但絕對無互動 中國人餐桌是圓的 所有人都面向中心 唔會走漏眼 大家都見到大家 講食講八掛嘢 無所不談 起筷飲杯 一定互相幫助坐在左右夾餸斟茶 好鬼死開心

February 17, 2016 · Leave a comment

斟茶的精神

在綱絡見到一個職場個案分享 話說一位年輕人因為老闆請他為客人斟茶遞水覺得是低下人做的事 覺得被侮辱 我諗係佢地未聽過斟茶的故事 相傳清朝乾隆帝跟他的侍從微服出巡時去飲茶。為免平民得悉自己身份,便為自己的隨從斟茶。那些隨從為求謝恩,以免責罰,於是便把手指屈曲,以代表磕頭及謝禮。對我來說斟茶是禮貌尊重 如果茶靚 斟茶這動作就是同人分享靚茶 很體面的事 人家又跟你扣頭 如果你係下人的話 人家跟個下人扣頭咁好儍瓜 其實識得我嘅人都知道我一定成日斟茶比人 因為我勁呀嘛

February 17, 2016 · Leave a comment

靜靜地起革命

世界在變 有悲 有哀 有不穩定 有擔心 人在變 變得瘋狂 變得恐怖 變得自私 自己也陷入情緒不穩的狀態 但原來只要企定定 心呼吸 一切皆自得 這十幾年的鍛鍊 體會到做事必需專心 亦要經常檢視目標 要按步就班 將每一款茶做好 讓客人慢慢認識 茶界的老行專都會認為茉莉仙桃及其他手工花茶是注重觀賞性多於味道 亦認為此類茶是入門茶 與傳统茶如普洱的級數是有很大的差距 但我親自到過製作此茶的福建福鼎地區 亦拍攝了製作此茶的過程 另亦前往廣西橫縣 理解用茉莉花蕾來窨製此茶的每一個步驟 然後不斷在不同場合讓客人及客戶品嘗此茶 繼而用此茶用來與食物做配對 看似簡單 其實很細緻 識合男女老幼 無人不歡 最近與一本地化裝品連所店合作 讓更多愛美的人士 能裹外兼美 活動很成功 其中一個客人的回嚮 令我感動不已 客人的母親剛做完通波仔手術 女兒知道媽媽喜歡喝花茶 送她茉莉仙桃 殊不知媽媽喝後告訴女兒茶非常好喝 而且感覺頭髮順滑了 眼睛精靈了 我並不知茉莉仙桃有如此功效 但我想此茶帶了喜悅給這母親 是茶真正發揮了作用 感恩

July 20, 2015 · Leave a comment

媽咪茶

母親節 主角當然是母親 夠竟大家有幾認識媽咪呢 星期五受客戶邀請搞了一個茶食配對的晚宴 茶由清淡温柔 爽朗明快 到濃郁回甘 席中有位年輕男子 嘗到茉莉仙桃 明前龍井時 問哩啲茶係咪涼啲 嘗到大紅袍及古方鐵觀音時 問哩啲茶係咪温啲 原來佢阿媽好鐘意飲茶 但個胃麻麻地 想揾的啱佢飲嘅茶 真孝順 原來就算茶有幾貴幾好 都要配合你身體的需要 女士的脾胃比較敏感 年長一些的女士 血液循環及新陣代謝功能比少女時弱 會出現手凍腳凍 喝茶性温的茶 即烘焙較重的武夷水仙 大紅袍 古方鐵觀音 會有幫助 但如果媽咪喜歡温柔一點的味道 可選白牡丹(我媽的至愛)及坦洋工夫紅 … Continue reading

May 10, 2015 · Leave a comment

中西絕配

  我由細到大都比阿媽阿爸話我駁嘴駁舌 人話咁 我偏唔跟 又多問題 點解一定係咁 可唔可以唔係咁 絕對係問題兒童 到依家做茶生意 態度無變 明明中茶配點心 一盅兩件 我就偏偏搞搞震 將中國茶用嚟配朱古力 十多年前同人講 比人試 初時啲人好懷疑 看似亂咁嚟 點知一試 就發現無限驚喜 舉辦咗無數咁多場茶與朱古力配對活動 個個都話正 為咗想體驗過的客人再與人分享 便設計咗3個tea & chocolate pairing kits 作為消閒禮物 大受歡迎 … Continue reading

April 30, 2015 · Leave a comment

開心茶

今早讀到一個英國女營養師分享Happy Food,甚有同感。茶由產地到給人享用,經歷的步驟相當多 – 茶樹的品種,地域,氣候,土壤;茶樹的培植,保養,採擇的時間,製作過程(晒青、搖或碰青、炒青、烘青等);挑選,包裝,到消費者。尤以傳統手工製作、包裝的茶,背後全是由不同的人合作而成。常常勉勵同事,每個有份接觸茶的人都好重要,試想想這個美麗的畫面:茶農高高興興唱着家鄉歌來採茶;製茶師傅晝夜不眠地把茶弄到滿意的水平;創作團隊用心把茶葉的特點通過文字及圖像讓客人理解;包裝茶葉的工人用心地把茶葉整理好並把茶葉包裝得漂漂亮亮;茶師專心一意地泡出茶的香氣及味道;客人尊重及珍惜地呷每一口茶。咁多正能量加埋一齊仲唔係開心茶,Happy Tea咩? 誠邀你來明茶房歎Happy Tea!

April 20, 2015 · Leave a comment

無得快

遇過些客人一輪咀想試晒所有茶 我話唔好 佢堅持 我事先聲明 實驗角度 比佢一試 但客人性子急 一路試茶一路問好多問題 想一次過囉晒啲答案 試咗四、五隻茶 我話差唔多啦 佢話要繼續試多幾隻 最後試咗十隻 跟住問佢 邊隻茶佢最喜歡 佢就無晒印象 亂鬼晒 對茶的理解 一不能貪 二不能急 三不能太有目的 輕鬆開放的態度 循步漸進的精神 才能把既豐富又複雜的茶文化一一解構

April 13, 2015 · Leave a comment

快靚正

其實泡茶一啲都唔難 最重要茶要好 用壺用杯用碗點都得 用瓷器玻璃甚至紙杯都得㗎 水滾一泡茶唔得閒洗都唔怕啦 茶量不需多 平杯底便可 大熱水一冲 等茶葉沉底咪飲得囉 可以番沖一兩次 又快又好味

April 5, 2015 · Leave a comment

多定少

曾幾何時 經濟發達 錢易 要乜有乜 叫食 叫到成都係 食唔晒 無所謂 面子裝最緊要 慣手勢 乜都以量取勝 茶店也是 主張最多款適的茶 多有氣勢 上茶室 成本tea menu 好似書咁厚 同一類茶有成十幾種 目不暇給 但就係因為太多 變成選擇困難症 頭都大埋 有無想過 想多 係咪驚唔夠 係咪無安全感 有無想過 唔駛多 但要夠好夠精 … Continue reading

April 5, 2015 · Leave a comment

追茶

有兩位客人在星宴用膳時點了明茶房的得奬鳳凰桂花香及勐海金尖普洱,驚喜,隨即找上門。同事見狀告之,迎客,暢談甚歡。他們喜歡吃喝,亦懂吃喝。他們喜歡明茶房茶的香氣、乾淨、餘韻。最後客人當然滿載而歸。最值得感恩是客人到訪只因為茶。茶的魅力沒法擋!

March 30, 2015 · Leave a comment